उर्जा,जलश्रोत तथा सिंचाइ मन्त्री समक्ष चेम्वर प्रतिनिधि मण्डलको भेटवार्ता तथा सुझाव प्रस्तुत

२०७८ भाद्र १

नेपाल चेम्वर अफ कमर्सका अध्यक्ष श्री राजेन्द्र मल्लको नेतृत्वमा चेम्वरका पदाधिकारीहरु तथा सदस्यद्धारा उर्जा,जलश्रोत तथा सिंचाइ मन्त्री श्री पम्फा भुसाल समक्ष भेटवार्ता । उक्त अवसरमा अध्यक्ष श्री राजेन्द्र मल्लले गणतन्त्र नेपालको उर्जा,जलश्रोत तथा सिंचाइ मन्त्री पदमा नियुक्त हुनु भएकोमा नेपाल चेम्वर अफ कमर्सको तर्फबाट हार्दिक बधाई तथा मंगलमय शुभकामना व्यक्त गर्दै सफल कार्यकालको कामना गर्नु भयो ।

सो अवसरमा चेम्वर अध्यक्ष श्री मल्लले अर्थतन्त्रलाइ पुनस्र्थापित गर्न बिभिन्न सुझावहरु प्रस्तुत गर्नु हुंदै मुलुकको अर्थतन्त्रमा निजी क्षेत्रको महत्वपूर्ण भूमिका रहने र निजी क्षेत्रको आत्मवल वृद्धि भएमा मात्र आर्थिक विकास तथा रोजगारी अभिवृद्धि तथा राजश्वमा योगदान पुग्न जाने हुन्छ । यस सन्दर्भमा जलश्रोतको अपार भण्डार भएको मुलुक भएकोले ूनेपालको पानी जनताको लगानी ू अवधारणाका आधारमा यसको उपयोग गर्न सकिएमा अर्थतन्त्रलाइ समृद्ध बनाउन र गरिवी निवारणमा टेवा पुग्न जाने बताउनु भयो । यसका अतिरिक्त चेम्वर अध्यक्ष श्री राजेन्द्र मल्लले रेमिट्यान्स वापत नेपालमा भित्रिने रकम अनुत्पादक क्षेत्रमा खर्च भइरहेको परिस्थितिमा बैंकिङ च्यानल मार्फत भित्रिने रेमिट्यान्सलाई ऊर्जा लगायत पूर्वाधार तथा उत्पादनमूलक क्षेत्रमा लगानी गर्नका लागि प्रोत्साहनमूलक नीतिको आवश्यकता रहेको औल्याउनु भयो । साथ साथै भारत,बंगलादेश लगायत दक्षिण एशियाली क्षेत्रमा द्रुतगतिले आर्थिक उन्नतिको मार्गमा अग्रसर भइ रहेकाले ती मुलुकहरुमा बिद्युत बजार बिस्तार गर्न निरन्तर रुपले कुटनीतिक पहल गरिनु पर्ने बताउनु हुंदै बिद्युत उर्जा मार्फत पेट्रोलियम पदार्थको आयात बिस्थापन गर्न स्थानीय स्तरमा बिद्युत उपभोग बढाउने रणनीति ल्याउन पनि आग्रह गर्नु भयो । उर्जा क्षेत्रमा लगानी वढाउन हेजिङ सम्वन्धी व्यवस्था, जग्गा प्राप्तीको लागि सरलीकरण, आयकर छुट,प्रसारण लाइन र सबस्टेशन निर्माण सम्वन्धी रणनीतिक योजना वारे पनि सुझावहरु प्रस्तुत गर्नु भयो ।

सो अवसरमा उर्जा,जलश्रोत तथा सिंचाइ मन्त्री श्री पम्फा भुसालले मुलुकको समृद्धिको आधारशीला कृषि,उर्जा तथा पर्यटन क्षेत्र रहेको बताउनु हुंदै कृषि क्षेत्रको बिकासको लागि बिद्युतीय प्रयोगमा वृद्धि ल्याउन प्रोत्साहनमूलक कार्यक्रम ल्याइने वताउनु भयो यसका लागि सिंचाइको लागि सहुलियत दरमा बिद्युत प्रदान गरिने बताउनु भयो । साथसाथै बिपन्न वर्गको लागि २० युनिट बिद्युत निशुल्क प्रदान हुने बताउनु भयो । पेट्रोलियम पदार्थ माथीको निर्भरतालाइ न्युन गर्न बिभिन्न रणनीति लिइएको र आन्तरिक खपत वृद्धि गर्न तर्फ सरकारको ध्यान केन्द्रित रहेको बताउनु भयो । साथसाथै बिद्युत वढि खपत हुने उद्योगहरु ल्याउन समेत आग्रह गर्नु भयो । उक्त अवसरमा चेम्वरका उपाध्यक्ष श्री दीपक मल्होत्रा, श्री उर्मिला श्रेष्ठ, श्री दीपक श्रेष्ठ, तथा चेम्वर कार्य समिति सदस्य श्री देवेन्द्रभक्त श्रेष्ठ, श्री सन्तोष पाण्डे, श्री सुरेन्द्र शारडा तथा चेम्वर अन्तरगत उर्जा समितिका सभापति श्री नरेन्द्र वल्लभ पन्त तथा सह सभापति उत्तर कुमार श्रेष्ठको पनि उपस्थिति रहेको थियो ।